БОРБАТА ЗА КЛИЕНТИ – ИГРА ЗА НАЈИЗДРЖЛИВИТЕ

Во денешното бизнис опкружување борбата за секој клиент многу често е немилосрдна, а ако планирата на конкуренцијата да и украдете некоја голема риба, таа ќе биде и долготрајна и исцрпувачка борба. Играјте на магијата на попустите и дополнителните услуги. Искористете ги слабите страни на конкуренцијата, ваша шанса е и нејзината опиеност од успехот, активниот пристап и покажаниот интерес клиентите знаат да го ценат. Направете прецизна и професионална презентација, успехот на продажбата често зависи од пораката што ја испраќа излогот. Немојте да се откажувате, но внимавајте на тенката линија меѓу упорноста и здодевањето. (повеќе)  

МОЌТА НА ЗБОРОВИТЕ

Користете зборови кои продаваат. Не заборавајте дека зборовите имаат моќ, но бараат многу внимание при изборт. Вистински избраните зборови или buzz words, како што се нарекуваат, се зборови кои ги будат чувствата кај луѓето. Тоа се зборови кои предизвикуваат интерес, возбуда и го забрзуваат процесот на акција кај потрошувачите

КРЕАТИВНОСТ БЕЗ ГРАНИЦИ

Да се биде различен одамна е еден од главните предуслови за успех во сите сегменти на пазарот. Тоа не е цел само на големите брендови, туку и секојдневна стратегија меѓу познатите музички имиња. Да се има одлична песна и видео спот веќе не е доволно за да се биде in, па ако сакате песната цел ден да ви се врти по домовите, канцелариите, автомобилите, и да имате неколку илјади постирања на Facebook  ви треба покреативна и покреативна стратегија.

ЗАБОРАВЕТЕ ГО СЕКСОТ НА ПРВАТА СРЕДБА

Според истражувањата на Американското здружение за директен маркетинг USDMA, e-mail маркетингот е најсилната алатка на директниот маркетинг, бидејќи на секој потрошен долар враќа 43 долари. „Заборавете го сексот на првата средба, односно очекувањата дека ќе го убедите клиентот да го купи вашиот производ или услуга со првиот e-mail. Бизнисот се темели на интерес, а не на емоции. За да се постигне меѓусебната доверба прво е потребно „вљубување“, значи, потребно е време“,изјави неодамна маркетиншкиот гуру  Michael Leander на една конференција за e-mail маркетинг одржана во Загреб. (повеќе)

ПРЕМАЧКАНИ СО
СИТЕ БОИ

„Ми се допаѓа овој автомобил, миличок. Кој мила? Овој...овој црвениов„! Можеби овој разговор ќе ви изгелда како дел од брачните води, но во светот постојат илјадници научни студии и една цела гранка во маркетингот кои ги проучуваат значењето и влијанието на боите врз однесувањето на луѓето во животните ситуации, како и врз однесувањето на луѓето како потрошувачи. Боите се битен елемент во маркетиншкото комуницирање меѓу производот и купувачот. Постојат корелации меѓу одделни бои, групи потрошувачи и производот
и услугата.(повеќе)

Бомба од Durex
ТУНЕЛ ВО КОЈ ТРЕБА ДА ВЛЕЗЕТЕ СИГУРНО

Велат дека сексот продава се. Во случајот на Durex тоа може да се сфати буквално. И додека голем број душогрижници се крстат и со левата и со десната рака пред да влезат во овој тунел, изгледа дека Французите немаат проблем со овој вид душогрижници... Или сево ова е само успешна фотомонтажа од Durex која го обиколи светот?...(повеќе)

Герила маркетинг
FREE – ЗБОР КОЈ ГИ ОТВОРА ПАРИЧНИЦИТЕ

"Free" или „бесплатно“, според тврдењето на експертите за маркетинг, е најсилниот збор во англискиот јазик. За обичниот потрошувач тој претставува мала победа над системот, срочена во изјава од типот: „добро поминав“. Компаниите зборот "Free" го употребуваат како алатка со која се обидуваат да се пробијат низ пазарната конкуренција во борбата за купувачите.

На прв поглед изгледаат како графички приказ на лавиринт и лесно може да се случи да не ги приметите, особено ако не знаете што точно претставуваат QR кодовите. Quck response code е нова маркетиншка алатка која во светот, а пополека и кај нас, влегува на мала врата во секојдневниот живот на потрошувачите.

QR кодот претставува директна спрега на маркетингот со брзиот расвој на информатичката опрема и мобилната трелефонија. Така, кога денес се шетате меѓу рафтовите во големите супермаркети и сакате да дознаете нешто повеќе за производот што сакате да го купите, доколку имате smartphone и доколку производот има QR код, него може да го учитате преку камерата на вашиот мобилен и на екранот автоматски ви се отвора веб страницата со сите дополнителни информации.

Овој код не е бенефиција само за производните фирми, него веќе масовно го користат и услужните компании, на пример, на екранот од мобилниот може да се појави интерактивна мапа за тоа како да стигнете до некој ресторан или фризерски салон. Сите се импресионирани од морето идеи, а стручњаците за маркединг добија нова играчка. Замислете ја ситуацијата кога потенцијалниот купувач на својот мобилен телефон ги добива сите одговори на прашањата за производот и тоа директно од прва рака, од производителот, додека стои до тој производ и размислува дали да се фати за паричникот или не, односно како сево ова ќе влијае врз чинот на продажбата.

Дополнителните информации за ивентите, концертите, рестораните... печатените огласи пренатрупани со текст и море информации, одат во историјата. Потребна е само една атрактивна слика и малиот црн код во ќошот. Останатото ќе го направат самите потрошувачи.
Македонската јавност се уште не е доволно запознаена со магичната моќ на оваа пософистицирана верзија на класичниот бар код, но и кај нас има неколку срамежливи обиди од најкреативните компании, иако сме многу далеку од морето идеи и новата креативна маркетиншка трка, што веќе се надѕира во светот, кога е QR кодот во прашање. Таму веќе наголемо се користат бенефитите од можноста секој да има свој личен продавач во џебот, кој точно ќе му ги објасни полезностите од производот и услугата, евентуалните попусти... и тоа без ограничување од работното време и во секое место во светот.

Најголемиот недостаток на QR кодот во моментов е самиот smartphone, односно неговата висока цена, заради што е недостапен за просечните потрошувачи. Денес во САД дури секој четврти корисник има smartphone. Но, очите на маркетиншките стручњаци се свртени кон водечките светски производители на мобилни телефони, кои водени од профитниот интерес се повеќе се вртат кон производството на smartphone, заради што може да се очекува нивната цена да почне да паѓа. Но, исто така, може да се очекува како што ова комуникациско откритие донесе нови ветришта во светот на промоциите и маркетингот, така и трката да се стигне до џебот на секој потрошувач, да влијае врз развојот на „паметните телефони“ за тие да станат дел од овој џеб.

Како и да е, во иднина обратете поголемо внимание на овие црни квадратчиња – веројатно најкреативната маркетиншка алатка на почетокот на втората деценија од третиот милениум.
Симона Варналиева

ХОЛАНДСКИ ПРОГРАМИ ЗА ПОДРШКА НА МАЛИТЕ И СРЕДНИ БИЗНИСИ

Кралството Холандија веќе подолг период има посебни програми за поддршка на малите и средни бизниси за кои можат да аплицираат и македонските претпријатија. Станува збор за четири програми, а Aмбасадата на Кралството Холандија во Македонија посочува дека им стои на располагање на заинтересираните компании околу презентирањето на овие програми и обезбедувањето дополнителни информации за начинот и условите за аплицирање.

Отворен сервисно-продажен центар на IVECO
ИТАЛИЈАНСКИТЕ КАМИОНИ КАКО ДОМА И ВО МАКЕДОНИЈА

Новиот сервисно-продажен центар на IVECO што деновиве го отвори во Скопје компанијата КАРГОМАКС, кој воедно е и најголемиот ваков центар за камиони во Македонија, е со површина од 2.100 м2 покриен простор, изграден е според најновата технологија, со најсовремени материјали со европски квалитет и во целосна согласност со стандардите на IVECO.

И по 20 години
СЛОВЕНИЈА ДОМИНИРА НА ЈУГОСЛОВЕНСКИОТ ПАЗАР

Словенија и после 20 године по распаѓањето на СФРЈ ја задржа доминантната позиција на поранешниот југословенски пазар, на кој денес остварува суфицит од 1,3 милијарди евра. Тоа и е повеќе од доволно да го покрие дефицитот од 1,1 милијарда евра, што го има во размената со земјите од Европската унија

НОВАК ЃОКОВИЌ И ДОНЕСЕ НА СРБИЈА ДВЕ
МИЛИЈАРДИ ЕВРА

Српската Електропривреда постигна спогодба со кинеските компании China Environmental Energy и Shenzhen Energy Group за вложување на повеќе од две милијарди евра. Најголема заслуга за доаѓањето на Кинезите има тенисерот Новак Ѓоковиќ, кому кинескиот мултимилијардер, сопственик и на брендот Sergio Tacchini, му е еден од најголемите спонзори

ЗЛАТОТО НОВ БАЛОН ОД САПУНИЦА?

Експертите предупредуваат дека пазарот на злато е во рацете на шпекуланти и дека евентуално наглото паѓање на цената би можело да направи сегашниот инвестициски бум да се претвори во најголемиот балон од сапуница, чие пукање ќе им донесе на инвеститорите огромни загуби

FAO прогнозира
ПОВЕЌЕ ЖИТО – ЦЕНИТЕ ВИСОКИ

Светското производство на жито, заради зголемената сеидба и подобрите приноси, се очекува годинава да достигне рекордно
ниво, но цените ќе останат високи поради малите залихи, објави неодамна Агенцијата за храна на Обединетите нации. Во првата годинашна прогноза FAO, исто така, предвидува дека годинава во светот ќе се произведат 2,315 милијарди тони житарици, што е за 3,5 проценти повеќе од лани, кога производството се намали за еден отсто

Најголемите банки во светот
КАПИТАЛОТ СЕ СЕЛИ НА ИСТОК

Светскиот банкарски систем својата моќ се повеќе ја пренесува од запад кон исток. Ова го потврди и годинашново издание на Блумберговата ранг-листа на најголемите банки во светот. Годинава финансиска ѕвезда е Сингапур, со три банки маѓу TOP 10. Голем скок забележа и Канада, има две банки меѓу првите десет. Очекувано, американските банки доживеаа вистински деловен дебакал и само една од нив влезе во престижниот клуб на десетте најголоеми. (повеќе)

ПОЛОВИНА ЕВРОПА ВО online ШОПИНГ

ВИНОТО ГО ОТВОРА
СРЦЕТО, НО И ЏЕБОТ

Една од работите за која луѓето со длабоки џебови се подготвени да потрошат вистинско богатство е виното. Кога музичкиот генијалец Моцарт, како голем љубител на музиката, жените и виното, го прашале што би избрал кога би морало да бира меѓу жена и вино, тој малку се замислил, па одговорил – зависи од годините! Но, знаете ли дека најскапото шише вино чини речиси 300.000 долари? (повеќе)

Исповед на американскиот долар
ТРАГИ ОД КОКАИН, ФАЛСИФИКАТИ, КРАЖБИ

Американските долари, кои и покрај сите турбуленции со кои се соочуваат последниве години, се уште ги сметаат за валута на светот, или Бенџамините, како што во жаргон ги викаат Американците, имаат и своја не толку весела приказна. Еве неколку неверојатни факти за американските „зеленбачи“...

КОЈ Е ГАЗДА НА АМЕРИКАНСКИОТ ДОЛГ ?

Без разлика што буџетот на САД за 2011 година треба да претставува пат кон одржливост на системот и платниот биланс, во државата со најголема економија во светот и понатаму ќе се генерира дефицит, а националниот долг ќе расте од година во година. Во моментов 14 трилијони долари долг се во рацете на приватните банки на САД, а дури 4,4 трилиони долари од надворешниот долг се во сопственост на странските влади кои купиле трезорски хартии од вредност од САД. (повеќе)